رومانیہ، صومالیہ، نیپال، جاپان اور بنگلہ دیش کے نئے سفیروں کی صدر زرداری سے ملاقات،اسناد پیش کردی

ایوان صدر اسلام آباد میں ایک پروقار تقریب کے دوران رومانیہ، صومالیہ، نیپال، جاپان، اور بنگلہ دیش کے نئے سفیروں نے صدر آصف علی زرداری کو اپنی اسناد پیش کیں۔ اس موقع پر دوطرفہ تعلقات اور باہمی تعاون کے فروغ پر زور دیا گیا۔نئے سفیروں میں رومانیہ کے ڈین سٹوئینسکو، صومالیہ کے شیخ نور محمد حسن، نیپال کے ریٹا دھیتل، جاپان اکاماتسو شوچ اور بنگلہ دیش سے محمد اقبال حسین خان شامل تھے صدر زرداری نے نئے سفیروں کو ان کی تقرری پر مبارکباد دیتے ہوئے کہاکہ پاکستان مختلف شعبوں جیسے تجارت، معیشت، اور ثقافت میں مضبوط شراکت داری قائم کرنے کے لیے پرعزم ہے۔ انہوں نے امید ظاہر کی کہ سفیر اپنے ممالک اور پاکستان کے تعلقات کو مزید گہرا کرنے میں اہم کردار ادا کریں گے ایوان صدر میں ہونے والی تقریب سے قبل پاکستان کی مسلح افواج کی جانب سے معزز سفیروں کو گارڈ آف آنر پیش کیا گیا تقریب کے بعد مختلف دوطرفہ امور پر تبادلہ خیال کیا گیا