کھیل کے تیسرے روز قومی ٹیم نے 3 وکٹوں کے نقصان پر 88 رنز سے اننگز کی شروعات کی۔ سنچورین ٹیسٹ میں پاکستان کی ٹیم دوسری اننگ میں بھی فیل ہوگئی اور پوری ٹیم 237 رنز بنا کر آؤٹ ہوگئی، جنوبی افریقہ کو جیت کے لیے 148 رنز کا ہدف ملا ہے۔
پاکستان اور جنوبی افریقا کے درمیان پہلے ٹیسٹ کے تیسرے روز کا کھیل بارش کے باعث تاخیر کا شکار ہوا ۔سنچورین میں بارش کے باعث پچ اور اسکور بورڈ کو کوورز سے ڈھانپ دیا گیا تھا۔ سنچورین میں گزشتہ رات تیز بارش ہوئی، آج بھی ہلکی بارش ہوتی رہی۔
پاکستان کی دوسری اننگز
دوسری اننگز میں صائم ایوب، 27، کپتان شان مسعود 28، کامران غلام 4 رنز بناکر آؤٹ ہوئے جبکہ بابر اعظم اور سعود شکیل نے چوتھی وکٹ کے لیے 79 رنز کی شراکت داری قائم کی اور اسکور کو 153 رنز تک پہنچایا، بابر اعظم نصف سینچری اسکور کرنے کے بعد 50 رنز پر آؤٹ ہوئے۔
سعود شکیل نے پر اعتماد بیٹنگ کو جاری رکھتے ہوئے 50 اسکور کی تاہم دوسرے اینڈ سے وکٹیں گرنے کا سلسلہ جاری رہا اور شاہینز مارکو جانسن کی تباہ کن بولنگ کے سامنے بے بس نظر آئے، محمد رضوان 3، آغا سلمان 1 اور آل راؤنڈر عامر جمال 18 رنز بنا کر آؤٹ ہوئے جبکہ نسیم شاہ بغیر کھاتہ کھولے ہی پویلین لوٹ گئے، یوں پوری ٹیم 237 رنز بنا کر آؤٹ ہوگئی۔
جنوبی افریقہ کی جانب سے فاسٹ باؤلر مارکو جانسن نے شاندار باؤلنگ کا مظاہرہ کرتے ہوئے 6 کھلاڑیوں کو پویلین کی راہ دکھائی، کگیسو رباڈا 2 وکٹیں لے کر نمایاں باؤلر رہے۔
پروٹیز کی جانب سے مارکو جانسن نے 2 اور کگیسو ربادا نے ایک وکٹ حاصل کی۔
پاکستان کی دوسری اننگز
دوسری اننگز میں صائم ایوب، 27، کپتان شان مسعود 28، کامران غلام 4 رنز بناکر آؤٹ ہوئے جبکہ بابر اعظم اور سعود شکیل نے چوتھی وکٹ کے لیے 79 رنز کی شراکت داری قائم کی اور اسکور کو 153 رنز تک پہنچایا، بابر اعظم نصف سینچری اسکور کرنے کے بعد 50 رنز پر آؤٹ ہوئے۔
سعود شکیل نے پر اعتماد بیٹنگ کو جاری رکھتے ہوئے 50 اسکور کی تاہم دوسرے اینڈ سے وکٹیں گرنے کا سلسلہ جاری رہا اور شاہینز مارکو جانسن کی تباہ کن بولنگ کے سامنے بے بس نظر آئے، محمد رضوان 3، آغا سلمان 1 اور آل راؤنڈر عامر جمال 18 رنز بنا کر آؤٹ ہوئے جبکہ نسیم شاہ بغیر کھاتہ کھولے ہی پویلین لوٹ گئے، یوں پوری ٹیم 237 رنز بنا کر آؤٹ ہوگئی۔
جنوبی افریقہ کی جانب سے فاسٹ باؤلر مارکو جانسن نے شاندار باؤلنگ کا مظاہرہ کرتے ہوئے 6 کھلاڑیوں کو پویلین کی راہ دکھائی، کگیسو رباڈا 2 وکٹیں لے کر نمایاں باؤلر رہے۔
پروٹیز کی جانب سے مارکو جانسن نے 2 اور کگیسو ربادا نے ایک وکٹ حاصل کی۔
جنوبی افریقہ کی پہلی اننگز
پاکستان کی طرح پروٹیز کے ٹاپ آرڈر میں ایڈن مرکرم 89 کے علاوہ کوئی خاطر خواہ کارکردگی نہ دکھا سکا، تاہم باؤلنگ آل راؤنڈر کوربن بوش نے 81 رنز کی اننگز کھیل کر ٹیم کو واضح برتری دلوائی۔
قومی ٹیم کی جانب سے خرم شہزاد اور نسیم شاہ نے 3، 3 کھلاڑیوں کو آؤٹ کیا جبکہ عامر جمال 2 اور محمد اور صائم ایوب ایک، ایک وکٹ حاصل کر سکے۔
دیگر کھلاڑیوں میں ٹونی ڈی زوردی 2، ریان رکلٹن 8 اور ٹرسٹن اسٹبز 9، کپتان ٹیمبا باووما 31 رنز بنا کر آؤٹ ہوئے۔
پاکستان پلیئنگ الیون:
شان مسعود (کپتان)، بابر اعظم، صائم ایوب، کامران غلام، سلمان علی آغا، محمد رضوان (وکٹ کیپر)، سعود شکیل (نائب کپتان)، عامر جمال، نسیم شاہ، خرم شہزاد اور محمد عباس
جنوبی افریقہ پلیئنگ الیون:
ٹیمبا باووما (کپتان)، ایڈن مرکرم، ٹونی زی زورزی، ریان رکلٹن، ٹرسٹن اسٹبز، ڈیوڈ بیڈنگھم، کائل ویریننے (وکٹ کیپر)، مارکو جانسن، کگیسو ربادا، دین پیٹرسن، کوربن بوش
