دنیا کے مختلف ممالک میں ابھی 2024 کے ۤخری لمحات جاری ہیں تاہم نیوزی لینڈ اور آسٹریلیا دو ایسے ممالک ہیں جہاں نئے سال 2025 کا جشن شروع ہوچکا ہے۔
نیوزی لینڈ کے شہر آکلینڈ میں، آدھی رات کو اسکائی ٹاور اور آس پاس کے علاقوں میں شاندار آتش بازی نے آسمان کو روشن کر دیا۔ رہائشی اور سیاح بڑے پیمانے پر جمع ہوئے، جشن اور موسیقی کی دلکش محفلوں نے ماحول کو مزید خوشگوار بنا دیا۔
سڈنی ہاربر برج اور اوپیرا ہاؤس پر ہونے والے آتش بازی کے شاندار شو نے آسٹریلیا کو روشنی اور خوشی کے رنگوں میں نہلا دیا۔لاکھوں لوگوں نے اس حیرت انگیز تقریب کو دیکھا، جو دنیا بھر کے ناظرین کے لیے بھی لائیو نشر کی گئی۔سڈنی کی یہ تقریب عالمی طور پر سب سے بڑی اور مشہور سال نو تقریبات میں شمار کی جاتی ہے۔
دنیا بھر کے مختلف ٹائم زونز کے باعث، نئے سال کا استقبال مختلف اوقات میں ہوتا ہے، جو عالمی تقریبات کو منفرد بناتا ہے۔
- پہلی جگہیں: وسطی بحرالکاہل میں کریتیماتی (کرسمس آئی لینڈ) جیسے دور دراز جزیرے۔
- آخری الوداع: 2024 کو الوداع کہنے والے آخری مقام غیر آباد بیکر اور ہاولینڈ جزائر ہوں گے، جو ہوائی کے قریب واقع ہیں۔
