دنیا کے بلند ترین اور خون جما دینے والے درجہ حرارت کے مقام سے پاک فوج کے جوانوں نے اپنے ہم وطنوں کو نئے سال 2025 کی مبارک باد کا پیغام بھیجا ہے۔
جوانوں نے اپنے پیغام میں کہا کہ افواج پاکستان مادر وطن کی خدمت کے جذبے سے ہمیشہ سرشار ہے۔ ملکی سلامتی اور ترقی کے لئے ہمہ وقت کوشاں ہے۔
برف پوش علاقوں میں تعینات پاک فوج کے جوان ملک و قوم کی حفاظت کیلئے پر عزم ہیں۔ برف پوش سیاچن گلیشیئرز پر تعینات پاک فوج کے جوانوں کا کہنا تھا کہ ہڈیوں کو برفا دینے والی سردی میں بھی ہمارا جذبہ بلند ہے۔
ہماری دعا ہے کہ نیا سال اس ملک کے لیے خوشیاں اور کامیابیاں لے کر آئے۔ پاک فوج کے جوان کہتے ہیں ہم بارڈر پر اس لیے بیٹھے ہیں کہ ہمارے وطن کا جھنڈا بلند رہے۔ پاک فوج ہر محاز پر پاکستان کی سالمیت اور بقاء کے لیے تیار ہے۔
جوانوں نے پیغام میں کہا کہ ہم سیاچن گلیشیر پر موجود پاکستان کا جھنڈا لہرائے ملکی حفاظت پر مامور ہیں۔ ہم سرد ہوائوں اور برف پوش پہاڑوں کے سائے تلے پوری قوم کو نئے سال کی مبارک باد پیش کرتے ہیں۔
پاک فوج کی جانب سے اہل وطن کو سال نو مبارک ہو۔ ہم امید کرتے ہیں آنے والا سال پاکستان کے لیے خوشیوں کی نوید اور اتحاد و اتفاق کا سال ہو۔
