وزیراعلیٰ پنجاب مریم نواز شریف نے ترکیہ کے قونصل جنرل درمش بستاغ سے ملاقات کی، جس میں دونوں ممالک کے درمیان دوطرفہ تعلقات کو مزید مضبوط بنانے پر زور دیا گیا۔ ملاقات میں تجارت، تعلیم، صحت، زراعت، اور سیاحت کے شعبوں میں تعاون کو بڑھانے کے لیے مختلف اقدامات پر تبادلہ خیال کیا گیا۔
دو طرفہ ملاقات میں وزیر اعلیٰ پنجاب مریم نوازشریف نے ترکیہ کو پاکستان کا عظیم دوست اور بھائی قرار دیا اور ترکیہ کے عوام کی پاکستان کے ساتھ مشکل وقت میں حمایت پر شکریہ ادا کیا۔مریم نوازشریف نے ترکیہ کے سرمایہ کاروں کے لیے ہر ممکن سہولت فراہم کرنے کا وعدہ کیا اور ترکیہ بزنس کمیونٹی کے لیے ون ونڈو آپریشن کو مزید فعال بنانے کا عندیہ دیا۔
قونصل جنرل درمش بستاغ نے پنجاب حکومت کے عوامی فلاحی منصوبوں کو سراہا۔اور ترکیہ کی بزنس کمیونٹی کو پنجاب کے ساتھ مختلف شعبوں میں تعاون بڑھانے کے لیے تیار قرار دیا۔انہوںنے پاکستان کے ساتھ تعلقات کو ترکیہ کے لیے انتہائی اہمیت کا حامل قرار دیا۔
