لاہور کی انسداد دہشت گردی کی خصوصی عدالت نے 9مئی کو تھانہ شادمان جلاؤ گھیراؤ کے مقدمے میں سابق وفاقی وزیر خارجہ شاہ محمود قریشی سمیت دیگر ملزمان پر فرد جرم عائد کرتے ہوئے گواہوں کو طلب کر لیا
انسداد دہشتگری کی خصوصی عدالت کے جج منظر علی گل نے کوٹ لکھپت جیل میں 9 مئی کیسز کی سماعت کی۔۔۔ دوران سماعت شاہ محمود قریشی ڈاکٹر یاسمین راشد میاں محمود الرشید عمر سرفراز چیمہ سمیت دیگر کو عدالت کے روبرو پیش کیا گیا ضمانت پر رہا ملزمان بھی جیل میں قائم کمرہ عدالت میں پیش ہوئے اور حاضری مکمل کرائی
عدالت نے تھانہ شادمان جلاؤ گھیراؤ کے ملزمان کی حاضری مکمل کرتے ہوئے ملزمان پر فرد جرم عائد کر دی دوران سماعت ملزمان نے صحت جرم سے انکار کیا
عدالت نے آئندہ سماعت پر گواہوں کو طلب کرتے ہوئے کاروائی 16 جنوری تک ملتوی کر دی
