سویت یونین ملک آرمینیا نے یورپی یونین (EU) میں شمولیت کے سفر کا باضابطہ آغاز کرتے ہوئے الحاق کے عمل کے لیے ایک مسودہ بل کی منظوری دے دی ہے۔ یہ اعلان جمعرات کو کیا گیا، اور اس کے مطابق، بل کو اب آرمینیائی پارلیمنٹ میں منظوری کے لیے پیش کیا جائے گا، جو یورپی یونین کے ساتھ انضمام کے رسمی عمل کا پہلا قدم ہے۔
وزیر اعظم نکول پشینیان نے اس اقدام کو ایک تاریخی موقع قرار دیا لیکن خبردار کیا کہ یورپی یونین میں شمولیت کا عمل طویل اور پیچیدہ ہوگا۔ ان کا کہنا تھا کہ الحاق سے پہلے متعدد مراحل طے کیے جائیں گے، جن میں قومی ریفرنڈم بھی شامل ہوگا۔
بل کی منظوری سے ایک روز قبل، وزیر خارجہ ارارات مرزویان نے اعلان کیا کہ آرمینیا جلد ہی یورپی یونین کے ساتھ ایک نیا شراکت داری معاہدہ کر سکتا ہے۔
یہ فیصلہ آرمینیا کی مغربی اداروں کے ساتھ انضمام کی خواہش کو ظاہر کرتا ہے اور اس کے جغرافیائی سیاسی رخ میں نمایاں تبدیلی کی نشاندہی کرتا ہے۔ یورپی یونین کی رکنیت کا حصول آرمینیا کے لیے اقتصادی، سفارتی، اور سماجی مواقع کا نیا باب کھول سکتا ہے، لیکن اس سفر میں چیلنجز بھی نمایاں ہوں گے۔
About The Author
