پرائیویٹ حج آپریٹرز اور وزارت مذہبی امور کے درمیان معاملات طے پا گئے ج سکے بعد نجی شعبے کو حج کی بکنگ شروع کرنے کی اجازت دے دی گئی۔۔۔
وزارت مذہبی امور نے کہا ہے کہ نجی شعبہ حج سکیم کی بکنگ 10 جنوری تا 31 جنوری 2025 جاری رہے گی۔۔۔۔پرائیویٹ حج سکیم کے مختلف حج پیکیج وزارت کی ویب سائٹ پر موجود ہیں۔۔۔
نجی سکیم کے بنیادی حج پیکیج پونے 11 لاکھ سے ساڑھے 21 لاکھ کے درمیان رکھے گئے ہیں۔۔۔ حج منظم کمپنیاں سہولت کی فراہمی کے معاہدے (SPA)کے مطابق پرائیویٹ عازمینِ حج کی بکنگ کریں۔۔۔۔
وزارت مذہبی امور کے مطابق اضافی سہولیات کے باعث 30 لاکھ سے زائد حج پیکیج "حج پالیسی فامولیشن کمیٹی” سے منظور کروانا ہو گا۔۔۔ حج منظم کو 30 لاکھ سے زائد حج پیکیج کی منظوری کے وقت مکمل تفصیل فراہم کرنا لازم ہو گا۔۔۔۔
وزارت مذہبی امور نے شہریوں سے کہا ہے کہ نجی عازمینِ حج بکنگ کرواتے وقت وزارت کی ویب سائٹ اور موبائل ایپ "پاک حج” سے لازمی تصدیق کر لیں۔۔۔پیسوں کا لین دین صرف کمپنی کے بینک اکاونٹ کے ذریعے کریں اور سہولیات کا معاہدہ لازمی طلب کریں۔۔۔
