پشاور : وزیراعلیٰ خیبرپختونخوا علی امین گنڈا پور نے آرمی چیف جنرل عاصم منیر سے چیئرمین پی ٹی آئی بیرسٹر گوہر کی ملاقات کی تصدیق کر دی۔
علی امین گنڈا پور حکومت اور پی ٹی آئی کے درمیان ہونے والے مذاکرات کے تیسرے دور میں شرکت کیلئے پارلیمنٹ ہاؤس پہنچے، جہاں میڈیا والوں نے ان سے سوالات کئے۔
سوال کا جواب دیتے ہوئے انہوں نے کہا کہ آرمی چیف سے میری ملاقات سکیورٹی صورتحال سے متعلق تھی، ان کا کہنا تھا آرمی چیف سے پارٹی رہنماؤں نے ملاقات کی تھی، اس ملاقات میں پی ٹی آئی چیئرمین بیرسٹر گوہر بھی موجود تھے۔
حکومت اور پی ٹی آئی کے درمیان ہونے والے مذاکرات کے حوالے سے انہوں نے کہا کہ مذاکرات میں شکوک و شبہات ہوتے تو میں حصہ ہی نہ بنتا۔ان کا کہنا تھا کہ جب بیٹھتے ہیں تو کچھ سوچ کر ہی بیٹھتے ہیں، بیک ڈور مذاکرات کی ضرورت نہیں جب اوپن مذاکرات ہو رہے ہیں۔
صاحبزادہ حامد رضا کا کہنا تھا کہ آرمی چیف سے بیرسٹر گوہر کی ون آن ون ملاقات نہیں ہوئی، بیرسٹر گوہر وزیراعلیٰ ہاؤس میں امن و امان سے متعلق اجلاس میں شریک تھے۔
About The Author
