لورالائی : بلوچستان کے ضلع لورالائی میں ایف سی بلوچستان (نارتھ) کے زیر انتظام میجر حسیب شہید کک باکسنگ چیمپئن شپ کا انعقاد کیا گیا۔ چیمپئن شپ میں کل 6 ٹیموں نے حصہ لیا جن میں مختلف ویٹ کیٹیگری کے 48 کھلاڑی شامل تھے۔
چیمپئن شپ میں مقامی عمائدین، کھلاڑیوں اور نوجوانوں نے بڑی تعداد میں شرکت کی۔ٹورنامنٹ کی فاتح ٹیم لورالائی 1 قرار پائی جبکہ زرجان، عبدالرحیم اور نورمحمد بہتر کھلاڑی قرار پائے۔
اختتامی تقریب میں فاتح ٹیم اور کھلاڑیوں میں انعامات تقسیم کیے گئے۔ کھلاڑیوں اور قبائلی عمائدین نے کھیلوں کے انعقاد کو ایک مثبت قدم قرار دیا۔
کھلاڑیوں کا کہنا ہے کہ میں زیارت سے اپنی ٹیم کے ہمراہ یہاں کھیلنے آیا ہوں۔ مکمل بلوچستان سے کھلاڑیوں نے اس ٹورنامنٹ میں شرکت کی۔یہ ٹورنامنٹ بہت اچھا رہا۔ اس مقابلے کے انعقاد پر ہم مشکور ہیں۔
