سہ فریقی ون ڈے سیریز کے میچ آفیشلز کا اعلان ۔۔۔۔ آئی سی سی نے پاکستان میں ہونے والی سہ فریقی ون ڈے کرکٹ سیریز کے آفیشلز کا اعلان کر دیا۔۔۔
ڈیوڈ بون ۔ رچرڈ النگورتھ اور مائیکل گف کو سہ فریقی ون ڈے سیریز کے لیے میچ آفیشلز مقرر کردیا گیا۔۔۔
قذافی اسٹیڈیم لاہور اور نیشنل بینک اسٹیڈیم کراچی میں تعمیری کام مکمل ہونے کے بعد سہ فریقی سیریز کی میزبانی کریں گے۔۔
سنگل لیگ کی بنیاد پر ہونے والی سہ فریقی سیریز 8 سے 14 فروری تک کھیلی جائے گی ۔
ڈیوڈ بون آئی سی سی ایلیٹ پینل آف میچ ریفریز کے ممبر ہیں۔رچرڈ النگورتھ اور مائیکل گف آئی سی سی ایلیٹ پینل آف امپائرز کے رکن ہیں۔
پاکستان کے امپائرز راشد ریاض۔ آصف یعقوب اور فیصل آفریدی بھی سیریز میں ذمہ داری نبھائیں گے۔
آئی سی سی ایلیٹ پینل آف امپائرز میں شامل پاکستان کے احسن رضا 14فروری کو فائنل میں رچرڈ النگورتھ کے ساتھ امپائرنگ کریں گے۔۔
سہ فریقی سیریز پاکستان، نیوزی لینڈ اور جنوبی افریقہ کے درمیان کھیلی جائے گی۔۔۔
سیریز کے فوری بعد پاکستان سپر لیگ ایڈیشن 10 کا آغاز ہو جائے گا۔
