کینیڈا اور میکسیکو نے امریکہ کے خلاف سخت تجارتی جوابی کارروائی کا اعلان کرتے ہوئے امریکی اشیا پر بڑے پیمانے پر اضافی ٹیرف عائد کر دیے۔ یہ اقدام امریکی صدر ڈونلڈ ٹرمپ کی جانب سے کینیڈا، میکسیکو اور چین سے درآمدات پر عائد کیے گئے نئے محصولات کے ردعمل میں اٹھایا گیا ہے۔
کینیڈا کے وزیر اعظم جسٹن ٹروڈو نے کہا کہ "ہم اپنی معیشت اور صنعت کو تحفظ دینے کے لیے یہ ضروری اقدامات کر رہے ہیں۔” انہوں نے اعلان کیا کہ پہلے مرحلے میں 30 بلین کینیڈین ڈالر (CAD) مالیت کی امریکی مصنوعات پر 25 فیصد جوابی ٹیرف عائد کیا جائے گا۔اگلے تین ہفتوں میں مزید 125 بلین CAD کی امریکی اشیا پر اضافی محصولات لگائی جائیں گی۔یہ اقدامات امریکی اسٹیل، ایلومینیم، زرعی مصنوعات، اور دیگر اشیا پر لاگو ہوں گے، جن پر پہلے بھی تجارتی تنازعات رہے ہیں۔
میکسیکو کی صدر کلاڈیا شین بام نے اپنے وزیر اقتصادیات کو ہدایت کی کہ وہ "امریکی درآمدات کے خلاف میکسیکو کے اقتصادی مفادات کے تحفظ کے لیے” سخت اقدامات کریں۔میکسیکو امریکی زرعی مصنوعات، مشینری اور صنعتی سامان پر محصولات میں اضافہ کرے گا۔نان ٹیرف اقدامات پر بھی غور کیا جا رہا ہے، جس میں امریکی اشیا کی درآمد پر سخت ضوابط شامل ہو سکتے ہیں۔
یہ اقدامات امریکی صدر ڈونلڈ ٹرمپ کے حکم نامے کے جواب میں سامنے آئے ہیں، جس میں کینیڈا اور میکسیکو سے درآمدات پر 25 فیصد ٹیرف جبکہ چین سے آنے والی مصنوعات پر 10 فیصد ٹیرف شامل ہے۔
About The Author
