اسلام آباد : یوم یکجہتی کشمیر کے موقع پر ملک بھر میں عوام ایک آواز ہوگئے ۔ کراچی سے خیبر تک گلی کوچے کشمیر بنے گا پاکستان کے نعرے سے گونجتے رہے۔
پانچ فروری یوم یکجہتی کشمیر کے حوالے سے مختلف شہروں میں ریلیاں نکالی گئیں اور مظاہرے کیے گئے جہاں کشمیریوں کو حقِ خودارادیت دینے کا مطالبہ کیا گیا۔
کوہالہ میں پاک فوج کے جوانوں کی یادگارِ شہدا پر حاضری دی گئی۔ مظفر آباد، کوہالہ اور وادی لیپہ میں کنٹرول لائن پر بھارتی فوج کی پوسٹوں کے سامنے اور دیگر شہروں میں ہاتھوں کی زنجیر بنائی گئی۔آزاد کشمیر بھر میں ایک منٹ کی خاموشی بھی اختیار کی گئی۔
اسلام آباد میں دفتر خارجہ سے ڈی چوک تک ریلی نکالی گئی۔ وفاقی وزیر مصدق ملک، چوہدری سالک، چیئرمین کشمیر کمیٹی اور ڈپٹی چیئرمین سینیٹ نے بھی اس ریلی میں شرکت کی۔ اس دوران مظاہرین نے کشمیریوں سے اظہار یکجہتی کیا۔
کراچی میں وزیرِ تعلیم سندھ سردار شاہ اور میئر کراچی مرتضیٰ وہاب کی قیادت میں ریلیاں نکالی گئیں۔ لاہور میں مال روڈ پر ن لیگ نے ریلی۔
بھارتی بربریت کے خلاف احتجاج کرتے ہوئے پشاور میں گورنر خیبر پختونخوا فیصل کریم کنڈی کی قیادت میں ریلی نکالی گئی۔
اس موقع پر فیصل کریم کنڈی نے کہا کہ ’ایک ہی نعرہ اور ایک ہی ایجنڈا ہے کہ کشمیر بنے گا۔
About The Author
