اسلام آباد: ڈرامہ سیریز ارطغرل غازی میں ننھے کورلوس عثمان کا کردار ادا کرنے والے محمد ایمرے اچ تے پے نے دورہ پاکستان کے دوران محبتوں بھرا پیغام دیا۔ دورہ پاکستان کے دوران محمد ایمرے اوشتپے نے مختلف سیاحتی مقامات کا بھی دورہ کیا
اداکار محمد ایمرے اچ تے پے نے اپنے جذبات کا اظہار کرتے ہوئےکہا کہ مجھے پاکستان آ کر بہت خوشی ہوئی، پاکستانیوں کی محبت نے مجھے بہت متاثر کیا ہے، مجھے خوشی ہے کہ پاکستانی عوام نے ارطغرل ڈرامہ کو اتنا پسند کیا اور سراہا۔
محمد ایمرے اچ تے پے نے کہا کہ یہاں کے خوبصورت مقامات دیکھ کر میں بہت محظوظ ہوا اور پاکستانی ثقافت سے بھی بہت کچھ سیکھا، مجھے امید ہے کہ مستقبل میں پاکستان اور ترکیہ مشترکہ پروجیکٹس پر کام کریں گے۔ میں پاکستانی عوام کی ترکیہ کیلئے محبت اور ترکیہ کے ڈراموں کو سپورٹ کرنے پر تہہ دل سے شکر گزار ہوں۔