گرین لینڈ نے امریکی صدر ڈونلڈ ٹرمپ کے متنازعہ دعووں کو سختی سے مسترد کرتے ہوئے اپنی خودمختاری کے عزم کا اعادہ کیا ہے۔ صدر ٹرمپ نے حالیہ بیانات میں کہا تھا کہ امریکہ آرکٹک کے اسٹریٹجک خطے میں اپنا کنٹرول قائم کرنے کے لیے کوشاں رہے گا، جس پر گرین لینڈ کے وزیر اعظم جینز فریڈرک نیلسن نے شدید ردعمل دیا۔
"گرین لینڈ فروخت کے لیے نہیں!”
وزیر اعظم نیلسن نے اپنے بیان میں کہا،"گرین لینڈ فروخت کے لیے نہیں ہے، اور نہ ہی کبھی ہوگا۔ ہم اپنی زمین، عوام اور مستقبل پر مکمل خودمختاری رکھتے ہیں۔”
ان کا یہ بیان امریکی نائب صدر جے ڈی وینس کے ایک متنازعہ دورے کے بعد سامنے آیا، جس میں انہوں نے گرین لینڈ میں امریکی فوجی اڈے پر جاتے ہوئے کہا تھا کہ امریکہ اس خطے میں زیادہ سیکیورٹی اور اقتصادی فوائد فراہم کر سکتا ہے۔
گرین لینڈ میں امریکہ مخالف مظاہرے
امریکی نائب صدر وینس کے اس دورے کے بعد گرین لینڈ کے دارالحکومت نوک میں بڑے پیمانے پر مظاہرے دیکھنے میں آئے۔ مظاہرین نے گرین لینڈ کے جھنڈے لہرائے اور "ہماری زمین، ہمارا مستقبل” اور "نو ٹو یو ایس کنٹرول” جیسے نعرے بلند کیے، جس سے عوامی غم و غصہ واضح ہوگیا۔
About The Author
