اسرائیل کی ہائی کورٹ آف جسٹس نے وزیر اعظم بنجمن نیتن یاہو کو سیکیورٹی ایجنسی شن بیٹ (Shin Bet) کے موجودہ سربراہ رونن بار کو عہدے سے ہٹانے سے عارضی طور پر روک دیا ہے۔
یہ فیصلہ اس وقت سامنے آیا جب نیتن یاہو نے قومی سیکیورٹی پالیسیوں اور داخلی انتظامی امور پر اختلافات کے باعث بار کو برطرف کرنے کا فیصلہ کیا تھا۔
ناقدین کا کہنا ہے نیتن یاہو کا یہ اقدام "سیاسی محرکات” پر مبنی ہے، جو ایسے وقت میں قومی سلامتی کے لیے نقصان دہ ہو سکتا ہے جب اسرائیل کو اندرونی و بیرونی خطرات کا سامنا ہے۔
عدالت نے زور دیا کہ "قومی سلامتی کے ادارے کی خودمختاری” کو سیاسی دباؤ سے بچانا ضروری ہے۔شن بیٹ جیسی بااثر ایجنسی کے سربراہ کو "یکطرفہ طور پر ہٹانے” کے عمل کے دور رس نتائج ہو سکتے ہیں۔اور نیتن یاہو کے ایگزیکٹو اختیارات پر عدالتی نگرانی کا یہ فیصلہ ایک واضح پیغام ہے۔
رونن بار فی الحال اپنی ذمہ داریاں جاری رکھیں گے۔کیس کی مزید سماعتیں متوقع ہیں، جو ان کی حتمی حیثیت کا فیصلہ کریں گی۔اس دوران، سیاسی دباؤ اور کشیدگی میں اضافہ ہو سکتا ہے۔
About The Author
