لارڈز : آئی سی سی ٹیسٹ چیمپئن شپ 25-2023 کا فائنل جیت کر تاریخ رقم کردی ہے۔ فائنل میں آسٹریلیا کو شکست کا سامنا کرنا پڑا ہے۔ جنوبی افریقا نے پہلی بار ورلڈ ٹیسٹ چیمپئن بننے کا اعزاز اپنے نام کیا ہے۔
لارڈز میں کھیلے گئے ورلڈ ٹیسٹ چیمئن شپ کے فائنل میں جنوبی افریقا نے آسٹریلیا کو5 وکٹ سے شکست دی۔جنوبی افریقا نے 282 رنز کا ہدف پانچ وکٹوں کے نقصان پر حاصل کیا۔
ایڈن مارکرم نے دوسری اننگز میں فائٹنگ سنچری بنا کر جنوبی افریقا کی فتح میں اہم کرادر ادا کیا اور 136 رنز کی میچ وننگ اننگز کھیلی۔ کپتان باؤما نے 66، ویان ملڈر نے27 رنز بناکر نمایاں رہے۔
یہ جنوبی افریقا کا آئی سی سی کا دوسرا ٹائٹل ہے۔ اس سے قبل اس نے 1998 میں آئی سی سی ون ڈے چیمپیئنز ٹرافی جیتی تھی ۔
