امریکہ کے ایرانی جوہری تنصیبات پر حملے۔۔۔۔ پاکستان سمیت دنیا بھر کی سٹاک مارکیٹس میں ہلچل مچ گئی۔۔۔ بے چینی اور افراتفری کے شکار سرمایہ کاروں نے فروخت کا دباؤ بڑھا دیا ۔۔۔۔ پاکستان سٹاک مارکیٹ میں تاریخ کی چوتھی بڑی مندی ریکارڈ کی گئی۔۔ ایک ارب چھیاسٹھ کروڑ ڈالر کا خسارہ ہو گیا۔۔۔
حصص بازار کھلتے ہی 2 ہزار سے زائد پوائنٹس کی کمی ریکارڈ کی گئی۔۔۔ Bears نے مارکیٹ پر اپنا کنٹرول مضبوط رکھا اور Bulls کو مارکیٹ میں داخل ہونے کی اجازت نہ مل سکی ۔۔۔ ٹریڈنگ کے دوران انڈیکس میں 4 ہزار 100 سے زائد پوائنٹس کی مندی ریکارڈ کی گئی ۔۔۔۔
کاروبار کے اختتام پر مارکیٹ 3 ہزار 855 پوائنٹس کمی کے بعد ایک لاکھ 16 ہزار 167 پر بند ہوئی۔۔۔ سرمایہ کاروں کو 473 ارب روپے کا نقصان ہوا۔۔۔ مارکیٹ کیپٹلائزیشن 14 ہزار 63 ارب روپے پر آ گئی۔۔۔ 59 کروڑ 50 لاکھ حصص کے سودے 23 ارب 48 کروڑ روپے میں طے پائے۔۔۔
