پاکستان اور ایران نے تنازعات کو روکنے اور خطے میں امن و استحکام کیلئے سفارتی کوششوں کو تیز کرنے کی ضرورت پر زور دیا ہے۔۔
پاکستان کے دورے پر آئے ہوئے ایران کے صدر ڈاکٹر مسعود پزشیکیان نے صدر مملکت آصف علی زرداری سے ملاقات کی۔۔
ایوان صدر سے جاری بیان میں کہا گیا ہے کہ دونوں صدور نے دو طرفہ تعاون کو مزید وسعت دینے کے عزم کا اعادہ کیا۔۔
صدر ڈاکٹر مسعود پزشکیان کا ایوانِ صدر میں پُرتپاک خیرمقدم کیا گیا۔۔ ملاقات میں پاکستان اور ایران کے درمیان دو طرفہ تعاون کو مزید وسعت دینے کا فیصلہ کیا گیا۔
دونوں رہنماؤں نے وسیع اور باہمی فائدے کے حامل شعبوں میں تعلقات بڑھانے کی اہمیت پر زور دیا اور علاقائی اور عالمی امور پر تفصیلی تبادلۂ خیال کیا ۔
صدرآصف علی زرداری نے کہا کہ پاکستان اور ایران کے برادرانہ تعلقات مشترکہ مذہب، ثقافت اور باہمی احترام پر مبنی ہیں، آصف علی زرداری نے علاقائی معاملات پر ایران کے اصولی مؤقف کو سراہا ۔
ملاقات میں دونوں رہنماوں کا تنازعات کو بڑھنے سے روکنے اور خطے میں امن و استحکام کے لیے مربوط سفارتی کوششوں کی ضرورت پر زور دیا گیا۔۔
صدرمملکت نے خطے میں تعاون کے لیے تہران کی مستقل حمایت پر اظہار تشکر کیا اور مشکل وقتوں میں ایران کی یکجہتی پر شکریہ ادا کیا۔۔۔ صدر آصف علی زرداری نے کہا کہ پاکستان اور ایران خطے کے پُرامن اور خوشحال مستقبل کے لیے مل کر کام جاری رکھیں گے۔
صدر مملکت نے رہبرِ معظم آیت اللہ سید علی خامنہ ای کا جموں و کشمیر پر بھارتی غیر قانونی قبضے کے خلاف عوام کی مسلسل حمایت پر شکریہ ادا کیا، انہوں ایران کے خلاف اسرائیلی جارحیت کی سخت مذمت کی۔
صدر آصف علی زرداری نے 12 روزہ جنگ کے دوران ایرانی قوم کی جرات اور اتحاد کو خراجِ تحسین پیش کیا، انہوں نے امید ظاہر کی کہ صدر پزشکیان کا دورہ برادرانہ تعلقات کو مزید مستحکم کرے گا۔
صدر مسعود پزیشکیان نے 12 روزہ جنگ کے دوران پاکستان کی قیادت اور عوام کی حمایت پر شکریہ ادا کرتے ہوئے کہا کہ پاکستان نے کشیدگی میں کمی اور تنازعات کے پُرامن حل کے لیے تعمیری کردار ادا کیا-
