رواں سال 2025 میں جنوری سے جولائی کے سات ماہ میں 536 شہری تیز رفتار گاڑیوں کے نیچے کچلے گئے۔۔
کراچی پولیس کے جاری اعداد شمار کے مطابق ٹریفک حادثات میں جاں بحق ہونے والوں میں 51 بھی شامل ہیں۔۔
سڑک پر ہونے والے دیگر حادثات میں جاں بحق ہونے والے بچوں اور بچیوں کی تعداد 68 ہے۔۔
پولیس رپورٹ میں کہا گیا ہے کہ بسوں سے ہونے والے ٹریفک حادثات میں 25 افراد جاں بحق ہوئے۔
منی بسوں نے 11 افراد، کوچز نے 6، ٹریلرز نے 48، اور ٹرکوں نے 60 شہریوں کو کچل دیا۔۔
ڈمپرز کی زد میں آکر 20 افراد۔ واٹر ٹینکرز سے 44، آئل ٹینکر سے 6 افراد مارے گئے۔۔۔ سوزوکی پک اپ سے 15، جیپ سے 5، کار سے 58 افراد جاں بحق ہوئے۔۔
موٹرسائیکل رکشہ کی ٹکر سے 12، موٹر سائیکل سے 88 اور نامعلوم گاڑیوں کی ٹکر سے 103 افراد جان سے گئے۔۔ ٹریفک حادثات سے سب سے زیادہ متاثر ہونے والوں میں موٹر سائیکل سوارتھے۔۔
دوسرے نمبر پر پیدل چلنے والے اور تیسرے نمبر پر دیگر گاڑیوں کے سوار شامل ہیں۔۔
حادثات میں سب سے زیادہ 274 موٹر سائیکل سوار، پیدل چلنے والے 179 افراد جبکہ دیگر سواریوں کے 83 افراد جاں بحق ہوئے۔۔
ڈسٹرکٹ ساوتھ میں ٹریفک حادثات میں 44 افراد ، ڈسٹرکٹ سٹی میں 3 افراد حادثات کا شکار ہوئے۔ ڈسٹرکٹ سینٹرل میں 75افراد ، ڈسٹرکٹ ایسٹ میں 52، ڈسٹرکٹ کورنگی میں 52 افراد ٹریفک حادثات میں جان سے گئے۔۔
ڈسٹرکٹ ویسٹ کیماڑی میں 136 اور ڈسٹرکٹ ملیر میں ٹریفک حادثات میں 174 افراد جاں بحق ہوئے