نیشنل ڈیزاسٹر منیجمنٹ اتھارٹی نے ملک کے متعدد علاقوں میں ممکنہ بارشوں کے باعث دریاؤں اور شہری علاقوں میں سیلابی صورتحال کا الرٹ جاری کر دیا۔۔
دریائے سندھ، چناب، راوی اور ستلج میں پانی کے بہاؤ میں اضافہ متوقع ہے۔۔ تونسہ، گڈو، مرالہ، خانکی اور قادرآباد پر نچلے سے درمیانے درجے کے سیلاب کا خدشہ ہے۔۔
این ڈی ایم اے کے مطابق نالہ ایک، پلکھو، ڈیک، ہڈیارہ، بین اور بسنتر میں درمیانے سے اونچے درجے کے بہاؤ کا امکان ہے۔۔
مون سون کے دوران ہونے والی بارشوں کے نتیجے میں تربیلاڈیم 96 فیصد جبکہ منگلا ڈیم64 فیصد بھر چکا ہے۔۔ اسلام آباد، راولپنڈی، گوجرانوالہ، لاہور، سیالکوٹ، سرگودھا، فیصل آباد، ملتان، خانیوال میں 13 تا 15 اگست تک وقفے وقفے سے بارش کا امکان ہے۔۔
13تا 15 اگست کے دوران ساہیوال، لودھراں، مظفرگڑھ، کوٹ ادو، تونسہ، بہاولپور، ڈی جی خان، راجن پور اور رحیم یار خان میں تیز بارشیں متوقع ہے۔۔ پنجاب کے بڑے شہروں میں شہری سیلاب کا خدشہ ہے۔۔ ڈی جی خان اور راجن پور میں پہاڑی ندی نالوں میں طغیانی اور پیر پنجال کے نالوں میں پانی کے بہاؤ میں اضافہ ہو سکتا ہے۔۔
خیبر پختونخواہ کے اضلاع چترال، دیر، سوات، کالام، کوہستان، مالاکنڈ، بونیر، مانسہرہ، بٹگرام، ایبٹ آباد، ہری پور، صوابی، مردان، پشاور، چارسدہ، کوہاٹ اور ہنگو میں بارش اور آندھی کا امکان ہے۔۔ ۔۔ دریائے کابل، سوات اور ان کے ملحقہ نالوں پنجکوڑا، بارہ اور کلپانی میں صورتحال بگڑ سکتی ہے۔۔
ممکنہ بارشوں کے باعث گلگت بلتستان کے اضلاع ہنزہ، شگر اور گانچھے میں سیلابی صورتحال کا امکان ہے۔۔ بارشوں اور گلیشئرز کے پگھلنے کے باعث دریائے ہنزہ، خنجراب، شمشال، برالدو، ہوشے، سالتورو کے بہاؤمیں اضافہ ہو سکتا ہے۔۔
