دبئی کی آبادی تاریخ کی بلند ترین سطح 40 لاکھ تک پہنچ گئی ہے۔
دبئی ڈیٹا اینڈ اسٹیٹکس اسٹیبلشمنٹ کی جانب سے دبئی کی آبادی کے حوالے سے اعداد و شمار جاری کیے گئے ہیں جس کے مطابق سنہ 1975 میں دبئی کی آبادی صرف ایک لاکھ 87 ہزار تھی۔
اعداد وشمار میں بتایا گیا ہے کہ 2011 میں دبئی کی آبادی 20 لاکھ تھی جو 2025 میں 40 لاکھ ہوگئی، اگر یہی رفتار رہی تو 2032 میں 50 لاکھ اور 2039 میں 60 لاکھ تک پہنچ سکتی ہے۔
دوسری جانب معاشی ماہرین کا کہنا ہے کہ دبئی سرمایہ کاروں، پروفیشنلز، ملینرز اور بلینرز کیلئے پرکشش مقام ہے، آبادی میں اضافے سے گھروں، تعلیم، صحت اور پبلک ٹرانسپورٹ کی طلب بڑھے گی۔
معاشی ماہرین کا بتانا ہے کہ دبئی میں بڑھتی آبادی مہنگائی کے دباؤ میں اضافہ کرسکتی ہے، خطے میں آبادی بڑھنے سے ٹریفک جام رہنے اور نئے رہائشی سوسائیٹیز بننے کا امکان ہے۔
ماہرین کے مطابق دبئی میں ٹرانسپورٹ کے اہم ذریعہ میٹرو بلیو لائن اور نئے ریٹیل پروجیکٹس اہم کردار ادا کریں گے۔
