اسلام آباد/راولپنڈی: ملک کے مختلف شہروں میں صبح سویرے موسلا دھار بارش اور ژالہ باری ہوئی، جڑواں شہروں میں تیز ہواؤں کے ساتھ بارش کے بعد موسم خوشگوار ہوگیا۔
اسلام آباد میں چند مقامات پر اولے بھی پڑے جبکہ راولپنڈی اور گردونواح میں بھی گرج چمک کے ساتھ بارش ہوئی۔
رات گئے باجوڑ، مالاکنڈ اور سوات میں بھی تیز بارش اور ژالہ باری ریکارڈ کی گئی۔
محکمہ موسمیات کے مطابق آج مری، گلیات، جہلم، گوجرانوالہ اور لاہور سمیت پنجاب کے مختلف حصوں میں بارش کا امکان ہے۔ اسی طرح دیر، چترال، پشاور، مردان، کشمیر اور گلگت بلتستان میں بھی بارش کی پیشگوئی کی گئی ہے۔
سندھ میں کراچی، حیدرآباد اور میرپورخاص کے بعض مقامات پر بھی بارش کا امکان ظاہر کیا گیا ہے۔
