عالمی اور مقامی مارکیٹ میں آج سونے کی قیمت میں استحکام رہا، فی تولہ نرخ 4 لاکھ 7 ہزار 778 روپے اور فی اونس 3865 ڈالر پر برقرار ہیں۔
آل پاکستان صراف اینڈ جیولرز ایسوسی ایشن سے جاری اعداد وشمار کے مطابق آج سونے کے نرخ میں کوئی ردو بدل نہیں ہوا، پاکستان میں فی تولہ نرخ 4 لاکھ 7 ہزار 778 روپے اور فی اونس 3865 ڈالر پر برقرار ہے۔ عالمی مارکیٹ میں بھی فی اونس سونے کے نرخ 3 ہزار 865 ڈالر پر مستحکم ہیں۔
واضح رہے کہ گزشتہ روز عالمی و مقامی گولڈ مارکیٹس میں سونے کی قیمت بلند ترین سطح سے نیچے آگئیں۔ پاکستان میں 24 کیرٹ فی تولہ سونے کے دام 2500 روپے گر کر 407778 روپے پر آ گئے،اس کے علاوہ 10 گرام سونے کے بھاؤ 2144 روپے کی کمی سے 349603 روپے رہے۔
