آئل کمپنیر ایڈوائزی کونسل نے خطرے کی گھنٹی بجادی ہے،اوسی اے سی نےبینک گارنٹی کے معاملے پر وفاق کوخط لکھ دیاجس میں کہا بینک گارنٹی کا مسئلہ برقرار رہا تومستقبل میں پیٹرولیم مصنوعات کی امپورٹ نہیں کی جا سکے گی۔
آئل کمپنیر ایڈوائزی کونسل کے مطابق امپورٹ نہ ہونےکی صورت میں سپلائی چین کے اثرات کی ذمہ دارانڈسٹری نہیں ہو گی۔کئی سال سے حکومتوں کو اس مسئلے کے حل کرنے کی تجویز دی ہے۔وزارت توانائی کی فوری مدد ایندھن کی بلا تعطل سپلائی کو یقینی بنانے کے لئے اہم ہے۔پیٹرولیم صنعت کی طرف سے ہر ماہ 20 سے 25 کنسائنمنٹس درآمد کئے جاتے ہیں۔ایک کنسائنمنٹ 15 سے 25 ارب روپے کا ہوتا ہے۔صنعت میں کوئی بھی رکن اس حد تک بینک گارنٹی فراہم کرنے کی مالی صلاحیت نہیں رکھتا ہے۔
