استنبول میں فلسطینی مزاحمتی تنظیم حماس کے ایک اعلیٰ سطحی وفد نے ترک انٹیلیجنس چیف ابراہیم قالن سے اہم ملاقات کی ہے۔
یہ ملاقات ترکیہ کے دارالحکومت استنبول میں ہوئی، جس کی قیادت حماس کے سینئر مذاکرات کار خلیل الحیا نے کی۔
قطری نشریاتی ادارے الجزیرہ کے مطابق، ملاقات میں فریقین نے غزہ سیز فائر معاہدے کی اسرائیلی خلاف ورزیوں پر تفصیلی گفتگو کی۔
ان خلاف ورزیوں میں اسرائیلی گولہ باری، فائرنگ اور غزہ میں انسانی امداد پر عائد پابندیاں شامل ہیں۔
حماس کے بیان کے مطابق، وفد نے زور دیا کہ اسرائیل کی جانب سے مسلسل خلاف ورزیاں غزہ میں انسانی بحران کو مزید سنگین بنا رہی ہیں۔
حماس وفد نے ترک حکام کو بتایا کہ غزہ میں انفراسٹرکچر کی بحالی — جیسے سیوریج سسٹم، سڑکوں کے نیٹ ورکس اور بجلی کے نظام — کی فوری ضرورت ہے۔
انہوں نے ترکیہ سے اپیل کی کہ وہ غزہ کی تعمیر نو کے منصوبوں میں فعال کردار ادا کرے۔
حماس کے ترجمان نے بیان میں کہا کہ خلیل الحیا نے جنگ بندی معاہدے تک پہنچنے میں ترکیہ کے سفارتی کردار پر شکریہ ادا کیا۔
انہوں نے کہا کہ ترکیہ نے ہمیشہ فلسطینی عوام کے حقوق اور غزہ کی بحالی کے لیے عملی حمایت فراہم کی ہے۔
About The Author
