بیجنگ — چین نے امریکا سے منسلک جہازوں پر عائد بندرگاہ فیس کو ایک سال کے لیے معطل کرنے کا اعلان کیا ہے۔
چینی وزارتِ ٹرانسپورٹ کے مطابق یہ فیصلہ تجارتی استحکام اور بین الاقوامی شپنگ تعاون کو فروغ دینے کے لیے کیا گیا ہے۔ وزارت نے مزید بتایا کہ جنوبی کوریا کی امریکی منسلک ذیلی کمپنیوں پر عائد پابندیاں بھی ایک سال کے لیے معطل کر دی گئی ہیں۔
وزارت کے بیان کے مطابق یہ پابندیاں 14 اکتوبر سے نافذ کی گئی تھیں، تاہم حالیہ نظرثانی کے بعد ان پر عارضی نرمی کا فیصلہ کیا گیا ہے۔
اقتصادی ماہرین کے مطابق چین کا یہ اقدام واشنگٹن کے ساتھ بڑھتی ہوئی تجارتی کشیدگی میں نرمی کی علامت سمجھا جا رہا ہے، جو عالمی شپنگ لاگت میں کمی لانے میں بھی مددگار ثابت ہو سکتا ہے۔
About The Author
