غزہ: حزب اللہ کے سربراہ نعیم قاسم نے اسرائیل کے فضائی حملے میں سینئر کمانڈر علی طباطبائی کی شہادت پر سخت ردعمل ظاہر کرتے ہوئے اعلان کیا ہے کہ تنظیم اپنے کمانڈر کا بدلہ لے گی اور دشمن کو بھرپور جواب دیا جائے گا۔
عالمی میڈیا کے مطابق نعیم قاسم نے علی طباطبائی کو بہادر اور وفادار سپاہی قرار دیتے ہوئے کہا کہ حزب اللہ اپنے دفاع کا حق استعمال کرتے ہوئے اسرائیل کو منہ توڑ جواب دینے کے لیے تیار ہے۔ ان کا کہنا تھا کہ اسرائیل جلد ایک مؤثر اور بھاری نقصان پہنچانے والے انتقامی اقدام کا سامنا کرے گا۔
انہوں نے لبنان کی حکومت سے مطالبہ کیا کہ اسرائیلی جارحیت کو روکا جائے اور قومی سلامتی کا ہر قیمت پر تحفظ یقینی بنایا جائے۔ نعیم قاسم کے مطابق اسرائیل خود کو قبضے اور تسلط کا حق دار سمجھتا ہے، جس غلط فہمی کو حزب اللہ دور کرے گی۔
واضح رہے کہ چند روز قبل اسرائیلی فضائی حملے میں بیروت کے جنوبی مضافات میں حزب اللہ کے قائم مقام چیف آف اسٹاف علی طباطبائی مارے گئے تھے۔
About The Author
