کینیڈا میں بھارتی وزیر دفاع راج ناتھ کے پاکستان سے متعلق حالیہ بیان کے خلاف سکھ برادری نے بھارتی ہائی کمیشن کے سامنے احتجاجی مظاہرہ کیا۔ اس دوران مظاہرین نے مودی حکومت کے خلاف نعرے لگائے اور خالصتان کے حق میں آواز بلند کی۔
احتجاجی رہنماؤں نے خطاب میں کہا کہ پاکستان کے صوبہ سندھ سے متعلق بیانات دینے کے بجائے بھارتی قیادت کو اپنے ملک کے داخلی مسائل پر توجہ دینی چاہیے۔ ان کا کہنا تھا کہ بھارت اندرونی تقسیم کا شکار ہے اور مستقبل میں مزید علاقائی تنازعات سامنے آ سکتے ہیں۔
رہنماؤں نے مزید کہا کہ بھارتی پنجاب میں خود ارادیت کے مطالبات بڑھ رہے ہیں اور خالصتان کی تحریک مختلف حلقوں میں حمایت حاصل کر رہی ہے۔ ان کے مطابق ایک ایسی ممکنہ ریاست کے تصور کو فروغ دیا جا رہا ہے جہاں تمام قومیتوں کو مساوی حقوق حاصل ہوں گے۔
