بیروت: اسرائیلی فوج نے دعویٰ کیا ہے کہ اس نے جمعرات کو جنوبی لبنان کے دو قصبوں میں اُن اہداف کو نشانہ بنایا جن کے بارے میں الزام تھا کہ وہ حزب اللہ کے عسکریت پسندوں کے زیرِ استعمال تھے۔ حملوں سے قبل دو عمارتوں کو خالی کرانے کا حکم بھی جاری کیا گیا تھا۔
فوج کے عربی ترجمان نے ابتدائی انتباہ کے تقریباً ایک گھنٹے بعد ایک اور ہدایت نامہ جاری کیا، جس میں مزید دو قصبوں میں بعض عمارتوں کے رہائشیوں کو فوراً علاقہ چھوڑنے کی ہدایت کی گئی۔
یہ پیش رفت ایک ایسے وقت میں سامنے آئی ہے جب اسرائیل اور لبنان، دونوں، اپنی ایک سالہ نازک جنگ بندی کی نگرانی کرنے والی مشترکہ کمیٹی کے پاس سویلین ایلچی بھیج چکے ہیں۔ دونوں فریق ایک دوسرے پر جنگ بندی کی خلاف ورزیوں کا الزام لگاتے رہے ہیں، تاہم ایلچیوں کی تعیناتی کو فریقین کے درمیان رابطے کے دائرہ کار کو وسعت دینے کی کوشش قرار دیا جا رہا ہے۔
رپورٹس کے مطابق مذاکراتی چینلز فعال رکھنے کا مقصد سرحدی کشیدگی میں کمی لانا ہے، جو گزشتہ چند ماہ سے وقفے وقفے سے جاری جھڑپوں کے باعث مزید پیچیدہ ہوتی جا رہی ہے۔
About The Author
