یوکرین جنگ میں ہزاروں ہلاکتیں،”اگر ایسے کھیل جاری رہیں تو دنیا تیسری عالمی جنگ کے خطرے سے دوچار ہو سکتی ہے،” ٹرمپ -

واشنگٹن – امریکی صدر ڈونلڈ ٹرمپ نے خبردار کیا ہے کہ روس اور یوکرین کے درمیان جاری جنگ میں ہزاروں افراد ہلاک ہو چکے ہیں اور دنیا تیسری عالمی جنگ کے خطرے کے دہانے پر پہنچ سکتی ہے۔ وائٹ ہاؤس میں صحافیوں سے گفتگو کرتے ہوئے صدر ٹرمپ نے کہا کہ امریکا یوکرین کی سیکیورٹی کے لیے مدد فراہم کرتا رہے گا اور جنگ بندی کے لیے ممکنہ مذاکرات میں حصہ لینے کے لیے تیار ہے۔

صدر ٹرمپ نے مزید کہا کہ اگر یورپ میں طے شدہ مذاکرات کامیاب ہوتے ہیں تو امریکا وہاں نمائندہ بھیجے گا تاکہ جنگ بندی کے امکانات کا جائزہ لیا جا سکے۔ انہوں نے خبردار کیا کہ یوکرین جیسے تنازعات عالمی سطح پر مزید پھیل سکتے ہیں اور دنیا کو اس سے بچانے کے لیے فوری اقدامات ضروری ہیں۔ "اگر ایسے کھیل جاری رہیں تو دنیا تیسری عالمی جنگ کے خطرے سے دوچار ہو سکتی ہے،” انہوں نے کہا۔

ٹرمپ نے عالمی سیاسی منظر نامے پر امریکا کی بڑھتی ہوئی اہمیت پر بھی روشنی ڈالی اور کہا کہ "دنیا میں امریکا کو جتنی عزت اب مل رہی ہے، پہلے کبھی نہیں ملی۔” انہوں نے اپنے دور اقتدار میں امریکا کی خارجہ پالیسی کی کامیابیوں کو اجاگر کرتے ہوئے کہا کہ امریکا عالمی سطح پر امن اور استحکام کے لیے سرگرم کردار ادا کر رہا ہے۔