فوجی فرٹیلائزر کمپنی نے پی آئی اے میں حصہ دار بننے کا اعلان کردیا۔
فوجی فرٹیلائزر کمپنی کے بورڈ آف ڈائریکٹرز کو عارف حبیب کنسورشیم سے ڈیل کا اختیار مل گیا ۔ کمپنی نے اسٹاک مارکیٹ کو خط لکھ کر اپنے شیئر ہولڈرز کو آگاہ کردیا۔ خط کے مطابق بورڈ پی آئی اے کے حصص خریدنے کیلئے ضروری اقدامات کرے۔
ماہرین کے مطابق فوجی فرٹیلائزر کمپنی پی آئی اے کے 25 سے 35 فیصد شیئرز لے سکتی ہے۔ عارف حبیب پہلے ہی فوجی فرٹیلائزر کو حصہ دار بنانے کا عندیہ دے چکے۔ ایف ایف سی خط کے مطابق نجکاری کمیشن سے کنسورشیم کوقبولیت کا خط ملنے کے منتظر ہیں۔
واضح رہے کہ گزشتہ روز عارف حبیب کنسورشیم نے 135 ارب روپے بولی لگا کر پاکستان انٹرنیشنل ایئر لائنز حاصل کر لی ہے جبکہ لکی سیمنٹ کی جانب سے 134 ارب روپے کی بولی لگائی گئی۔
