سڈنی — آسٹریلوی کرکٹ ٹیم کے معروف بائیں ہاتھ کے بیٹر عثمان خواجہ نے انٹرنیشنل کرکٹ سے ریٹائرمنٹ کا اعلان کر دیا ہے۔ ذرائع کے مطابق عثمان خواجہ نے اپنے بیان میں کہا کہ وہ انگلینڈ کے خلاف پانچویں اور آخری ایشز ٹیسٹ کے بعد بین الاقوامی کرکٹ سے ریٹائر ہو جائیں گے۔ یہ آخری ٹیسٹ اتوار سے شروع ہوگا اور خواجہ کا 88واں اور آخری میچ ثابت ہوگا۔
عثمان خواجہ نے 39 سال کی عمر میں آسٹریلیا کے لیے 87 ٹیسٹ، 40 ون ڈے اور 9 ٹی 20 میچز کھیل کر ٹیم کی نمائندگی کی ہے۔ تاہم حالیہ برسوں میں ان کا ٹیم میں اوپننگ رول محدود ہو چکا تھا اور موجودہ دور میں ٹریوس ہیڈ اوپننگ کر رہے ہیں۔
گزشتہ چند دنوں سے عثمان خواجہ کے مستقبل کے حوالے سے خبریں گردش کر رہی تھیں۔ انہیں پرتھ ٹیسٹ کے دوران کمر کی تکلیف کا سامنا کرنا پڑا، جس کی وجہ سے وہ برسبین ٹیسٹ میں حصہ نہیں لے سکے اور ایڈیلیڈ ٹیسٹ سے انہیں ٹیم سے خارج کر دیا گیا تھا۔
عثمان خواجہ کی ریٹائرمنٹ کے بعد آسٹریلوی ٹیم میں اوپننگ پوزیشن پر نئے کھلاڑیوں کو مواقع ملنے کا امکان ہے، جبکہ خواجہ کی خدمات کو ٹیم اور کرکٹ شائقین کی طرف سے خراج تحسین پیش کیا جا رہا ہے۔
About The Author
