ممبئی – بھارتی کرکٹ بورڈ (بی سی سی آئی) نے کولکتہ نائٹ رائیڈرز (کے کے آر) کو ہدایت دی ہے کہ وہ بنگلہ دیش کے فاسٹ بولر مستفیض الرحمان کو آئندہ آئی پی ایل 2026 سیزن کے لیے اپنے سکواڈ سے خارج کریں۔
بی سی سی آئی کے سیکرٹری دیواجیت سائیکیا نے تصدیق کی کہ بورڈ نے ابتدائی طور پر صورتحال پر نظر رکھنے کی پالیسی اپنائی تھی، تاہم حالیہ سفارتی کشیدگی اور خطے میں بدلتی صورتحال کے پیش نظر یہ فیصلہ ناگزیر ہو گیا۔
سائیکیا کے مطابق: "خطے میں موجود حساس حالات، خاص طور پر بنگلہ دیش میں پیدا ہونے والی بے چینی اور بھارت میں اس کے ردعمل نے اس معاملے کو حساس بنا دیا۔ اگر کے کے آر کسی متبادل کھلاڑی کے لیے درخواست کرے تو اسے اجازت دی جائے گی۔”
یاد رہے کہ مستفیض الرحمان کو گزشتہ دسمبر میں ہونے والی آئی پی ایل نیلامی میں کولکتہ نائٹ رائیڈرز نے 9 کروڑ 20 لاکھ بھارتی روپے میں خریدا تھا، جو انہیں آئی پی ایل کی تاریخ کا سب سے مہنگا بنگلہ دیشی کھلاڑی بناتا ہے۔ اس نیلامی کے بعد سے ہی ان کی شمولیت تنازع کا باعث بنی ہوئی تھی۔
About The Author
