نیو یارک – وینزویلا کے صدر نکولس مادورو نے پیر کو نیویارک کی وفاقی عدالت میں اپنے خلاف عائد چار مجرمانہ الزامات میں قصوروار نہ ہونے کی استدعا کی۔ ان الزامات میں منشیات کی دہشت گردی، کوکین کی درآمد کی سازش، مشین گنوں اور دیگر تباہ کن آلات رکھنے کا الزام شامل ہے۔
63 سالہ مادورو پر الزام ہے کہ انہوں نے ایک منشیات اسمگلنگ نیٹ ورک کی نگرانی کی، جو میکسیکو کے سینالووا اور زیٹاس کارٹلز، کولمبیا کے ایف اے آر سی باغیوں اور وینزویلا کے ٹرین ڈی آراگوا گینگ کے ساتھ شراکت داری میں رہا۔ مادورو نے ان الزامات کی طویل عرصے سے تردید کی ہے اور کہا ہے کہ یہ الزامات وینزویلا کے تیل کے ذخائر پر سامراجی عزائم کے لیے لگائے گئے ہیں۔
عدالت میں جج ایلون ہیلرسٹین کے سامنے پیش ہوتے ہوئے مادورو نے کہا، "میں بے قصور ہوں۔ میں قصوروار نہیں ہوں۔ میں ایک مہذب آدمی ہوں۔”
امریکی میڈیا کے مطابق، مادورو کے ٹخنوں میں بیڑی لگی ہوئی تھی اور وہ اور ان کی اہلیہ سیلیا فلورس ایک ہی میز پر بیٹھے تھے، دونوں نے وائرڈ ہیڈ فون استعمال کیے تاکہ ترجمہ سن سکیں۔ عدالت میں فردِ جرم کا مختصر ورژن بھی پڑھا گیا۔ یہ مادورو کا مین ہٹن کی عدالت میں پہلی پیشی ہے۔
About The Author
