بھارت کے دارالحکومت دہلی میں واقع جواہر لعل نہرو یونیورسٹی (JNU) میں طلبہ کے حالیہ مظاہرے کے دوران وزیراعظم نریندر مودی اور مرکزی وزیر داخلہ امت شاہ کے خلاف اشتعال انگیز نعرے بازی کی گئی۔
یونیورسٹی انتظامیہ نے طلبہ کی اس کارروائی کو تشویش ناک قرار دیتے ہوئے پولیس سے درخواست کی کہ مظاہرے میں شامل طلبہ کے خلاف ایف آئی آر درج کی جائے۔ انتظامیہ کا کہنا تھا کہ نعرے محض جمہوری اختلاف کی حد سے تجاوز کر گئے اور کیمپس میں ہم آہنگی کے لیے خطرہ بن گئے ہیں۔
یاد رہے کہ یونیورسٹی کی پچھلی تاریخ بھی سیاسی مظاہروں سے بھری ہوئی ہے۔ 2020 میں دلی فسادات کے بعد پولیس نے دو طلبہ رہنماؤں، عمر خالد اور شرجیل کو گرفتار کیا تھا۔ دونوں رہنما گزشتہ پانچ سال سے مقدمے کے بغیر قید میں ہیں۔
اس واقعے سے نہ صرف JNU کی اندرونی فضا میں تناؤ پیدا ہوا ہے بلکہ بھارت میں طلبہ سیاست اور احتجاج کی حساسیت کو بھی اجاگر کیا گیا ہے۔
About The Author
