امریکی میڈیا رپورٹس کے مطابق چار امریکی شہریوں کو رہا کر کے ملک سے باہر بھیج دیا گیا ہے، جبکہ وینزویلا کی عبوری حکومت نے درجنوں سیاسی قیدیوں کی رہائی کا عمل بھی شروع کر دیا ہے۔
امریکی محکمۂ خارجہ نے وینزویلا میں قید امریکیوں کی رہائی کا خیرمقدم کرتے ہوئے کہا ہے کہ یہ اقدام عبوری حکام کی جانب سے درست سمت میں ایک اہم پیش رفت ہے۔
محکمۂ خارجہ کے مطابق واشنگٹن اپنے شہریوں کی سلامتی اور رہائی کو اولین ترجیح دیتا رہے گا اور وینزویلا میں انسانی حقوق کی صورتحال پر قریبی نظر رکھے ہوئے ہے۔
سیاسی مبصرین کے مطابق یہ پیش رفت وینزویلا اور امریکا کے درمیان سفارتی کشیدگی میں کمی کی جانب ایک ممکنہ اشارہ سمجھی جا رہی ہے، تاہم دونوں ممالک کے تعلقات کی بحالی کے لیے مزید عملی اقدامات درکار ہوں گے۔
About The Author
