واشنگٹن — امریکی میڈیا کے مطابق امریکا نے ایران کے ساتھ ممکنہ مذاکرات کے لیے چار بنیادی شرائط وضع کی ہیں، جو زیادہ تر اسرائیل کے تحفظ اور علاقائی استحکام سے متعلق ہیں۔
میڈیا رپورٹس کے مطابق امریکا کی شرائط درج ذیل ہیں:
-
تمام افزودہ یورینیم کو مکمل طور پر ہٹانا: ایران کو اپنی موجودہ یورینیم اسٹاک کو خالص یا افزودہ حالت میں رکھنے سے روکا جائے گا۔
-
طویل فاصلے تک مار کرنے والے میزائلوں پر پابندی: ایران کے ایسے میزائل پروگرامز پر پابندی ہوگی جو طویل فاصلے تک مار کرنے کی صلاحیت رکھتے ہیں۔
-
یورینیم افزودگی کی مکمل روک: ایران کو ملکی سطح پر یورینیم کی کسی بھی قسم کی افزودگی کی اجازت نہیں ہوگی۔
-
علاقائی مداخلت اور تیل کی برآمدات پر نگرانی: ایران کو علاقائی طاقتوں یا گروہوں کی معاونت سے روکا جائے گا، اور تیل کی برآمدات پر قابو پانے کے لیے امریکی نیول بلاک کی تیاری بھی کی جا رہی ہے۔
ماہرین کا کہنا ہے کہ یہ شرائط ایران کے جوہری پروگرام اور خطے میں اس کے اثر و رسوخ کو محدود کرنے کے لیے امریکی حکمت عملی کا حصہ ہیں۔ امریکا کا مقصد اسرائیل کے تحفظ کو یقینی بنانا اور خطے میں کسی بھی ممکنہ کشیدگی کو کنٹرول میں رکھنا ہے۔
About The Author
