چیئرمین پاکستان کرکٹ بورڈ سینیٹر محسن نقوی ٹی20 ورلڈ کپ میں پاکستان اور بھارت کے درمیان اہم میچ دیکھنے کے لیے کولمبو پہنچ گئے۔
ان کے ہمراہ چیف سیکریٹری پنجاب زاہد اختر زمان، پی سی بی کے چیف آپریٹنگ آفیسر سمیر احمد سید اور پی ایس ایل کے سی ای او سلمان نصیر بھی موجود ہیں۔
کولمبو کے ہوٹل پہنچنے پر چیئرمین پی سی بی کا روایتی ڈھول اور رقص کے ساتھ پرتپاک استقبال کیا گیا، اس موقع پر سری لنکا کے وزیر کھیل بھی موجود تھے۔
میڈیا سے گفتگو میں محسن نقوی نے پاک بھارت میچ کے حوالے سے امید کا اظہار کرتے ہوئے کہا کہ قومی ٹیم اچھی فارم میں ہے اور ان شاء اللہ اچھا نتیجہ دے گی۔
چیئرمین پی سی بی میگا ایونٹ کے بڑے مقابلے سے قبل قومی کھلاڑیوں کا حوصلہ بڑھانے کے لیے ٹیم سے ملاقات کریں گے اور اہم امور پر میٹنگ بھی ہوگی۔
About The Author
