ٹی ٹوئنٹی ورلڈ کپ: پاکستان کا نیوزی لینڈ کے خلاف ٹاس جیت کر بیٹنگ کا فیصلہ، بارش سے تاخیر کا خدشہ
ٹی ٹوئنٹی ورلڈ کپ کے سپر ایٹ مرحلے میں پاکستان نے نیوزی لینڈ کے خلاف اہم میچ میں ٹاس جیت کر پہلے بیٹنگ کا فیصلہ کیا ہے۔ میچ سری لنکا کے شہر کولمبو کے آر پریماداسا اسٹیڈیم میں کھیلا جا رہا ہے، جہاں میچ سے قبل شروع ہونے والی بارش تاحال جاری ہے اور گراؤنڈ کو کورز سے ڈھانپ دیا گیا ہے، جس کے باعث مقابلے میں تاخیر کا خدشہ ہے۔
قومی ٹیم کے کپتان سلمان علی آغا نے ٹاس کے موقع پر کہا کہ پہلے بیٹنگ کرتے ہوئے کوشش ہو گی کہ نیوزی لینڈ کو بڑا ہدف دیا جائے تاکہ بعد میں اس کا دفاع کیا جا سکے۔
انہوں نے بتایا کہ ٹیم میں ایک تبدیلی کی گئی ہے اور فخر زمان کو خواجہ نافع کی جگہ شامل کیا گیا ہے۔
میچ بارش سے متاثر ہونے کے باعث اوورز کم ہونے کا امکان ہے۔ میچ کے قواعد کے مطابق اگر مقابلہ سری لنکن وقت کے مطابق رات 8 بج کر 10 منٹ تک شروع نہ ہو سکا تو اوورز میں کمی شروع ہو جائے گی، جبکہ 10 بج کر 16 منٹ کٹ آف ٹائم مقرر ہے۔ پانچ اوورز فی اننگز کے میچ کے لیے ضروری ہے کہ کھیل اس وقت تک شروع ہو جائے، بصورت دیگر میچ بے نتیجہ قرار دے کر دونوں ٹیموں کو ایک، ایک پوائنٹ دے دیا جائے گا۔
About The Author
