امریکی فوج کے چیئرمین جوائنٹ چیفس آف اسٹاف جنرل ڈینیئل کین نے ایران کے خلاف فوری فوجی کارروائی کے حوالے سے تحفظات کا اظہار کیا ہے۔ امریکی میڈیا رپورٹس کے مطابق جنرل کین کا مؤقف ہے کہ ایران کے خلاف حملہ ایک طویل اور پیچیدہ جنگ میں تبدیل ہو سکتا ہے جس کے خطے پر وسیع اثرات مرتب ہوں گے۔
رپورٹس کے مطابق امریکی صدر ڈونلڈ ٹرمپ ایران کے خلاف سخت مؤقف رکھتے ہیں جبکہ ان کے قریبی مشیر سٹیو وٹکوف اور جیرڈ کشنر سفارت کاری کو موقع دینے کے حامی بتائے جا رہے ہیں۔
دوسری جانب ٹرمپ نے میڈیا پر چلنے والی خبروں پر شدید ردعمل دیتے ہوئے انہیں “جعلی” قرار دیا اور کہا کہ جنرل کین جنگ نہیں چاہتے کیونکہ کوئی بھی جنگ نہیں دیکھنا چاہتا، تاہم اگر فوجی کارروائی کا فیصلہ ہو جائے تو امریکا کو کامیابی حاصل کرنے میں مشکل پیش نہیں آئے گی۔
ٹرمپ نے مزید کہا کہ جنرل کین ماضی میں “مڈنائٹ ہیمر” نامی آپریشن کی نگرانی کر چکے ہیں اور اگر انہیں حکم دیا گیا تو وہ ایران کے خلاف کارروائی میں صفِ اول میں ہوں گے۔
About The Author
