برطانیہ خفیہ ایجنسی کے سابق سربراہ جان سوارز نے ایران کے خلاف جاری جنگ کو غیر ضروری اور خطرناک قرار دیا ہے۔
اپنے بیان میں جان سوارز نے کہا کہ اسرائیل نے کردوں کو بغاوت پر اکسانے کے لیے ایرانی کردستان پر حملے کرائے، اور امریکی صدر ڈونلڈ ٹرمپ کا ایرانی عوام کو حکومت کے خلاف اٹھنے کی اپیل کرنا غلط فیصلہ تھا۔ ان کے مطابق اگر ایران ٹوٹ گیا تو یہ ایک ناکام ریاست دہشت گردی کا گڑھ بن جائے گی۔
سابق سربراہ نے مزید کہا کہ اس جنگ کا مقصد اسرائیل کے مستقبل کو محفوظ بنانا ہے، کیونکہ اسرائیل سمجھتا ہے کہ ایران میں اسلامی حکومت کے خاتمے سے اس کی سلامتی یقینی ہوگی۔ انہوں نے واضح کیا کہ یہ جنگ کسی پیشگی خطرے کو روکنے کے لیے نہیں کی گئی، اور اس کا ممکنہ نتیجہ وینزویلا جیسی صورتحال ہو سکتا ہے، جو خطے کے لیے بھی خطرناک ثابت ہو سکتی ہے۔
About The Author
