Iran کی پاسدارانِ انقلاب نے اعلان کیا ہے کہ Israel اور امریکی اہداف کے خلاف آپریشن “وعدہ صادق 4” کی 22ویں لہر شروع کر دی گئی ہے، جس کے دوران دشمن کی تنصیبات کو نشانہ بنانے کے لیے جدید بیلسٹک میزائل فائر کیے گئے۔
ایرانی میڈیا کے مطابق سپاہ پاسدارانِ انقلاب نے آج United States اور اسرائیلی تنصیبات پر جدید ترین بیلسٹک میزائلوں سے حملے کیے، جن میں خرمشہر 4 اور فتاح 2 میزائل شامل ہیں۔
پاسدارانِ انقلاب کے بیان میں کہا گیا ہے کہ آپریشن کے 21ویں مرحلے میں بھی میزائل اور ڈرونز کے مشترکہ حملے کیے گئے تھے، جن کے ساتھ ساتھ متعدد وار ہیڈ رکھنے والے خیبر شکن میزائل بھی Tel Aviv میں مخصوص اہداف کی جانب داغے گئے۔
ایرانی فوج کے مطابق ملک ایک طویل جنگ کے لیے مکمل طور پر تیار ہے اور جب تک جارح قوتوں کو سزا نہیں دی جاتی کارروائیاں جاری رہیں گی۔ بیان میں کہا گیا کہ دشمن کو آئندہ مزید سخت اور دردناک حملوں کا سامنا کرنا پڑ سکتا ہے۔
ایرانی فوج کے ترجمان نے مزید کہا کہ ایران کے پاس نئی عسکری حکمت عملی اور جدید ہتھیار موجود ہیں جنہیں ابھی بڑے پیمانے پر استعمال نہیں کیا گیا، تاہم ضرورت پڑنے پر انہیں بھی میدان میں لایا جا سکتا ہے۔
About The Author
