پاکستانی ٹینس کے لیے بین الاقوامی سطح پر ایک اہم پیش رفت سامنے آئی ہے جہاں آٹھ پاکستانی عہدیداران کو عالمی اور علاقائی ٹینس اداروں کی مختلف باوقار کمیٹیوں میں شامل کر لیا گیا ہے۔
رپورٹس کے مطابق International Tennis Federation اور Asian Tennis Federation کی مختلف کمیٹیوں میں 2026–2027 کی مدت کے لیے پاکستانی نمائندوں کی تقرری کی گئی ہے۔ اس پیش رفت کو عالمی سطح پر ٹینس کی ترقی میں پاکستان کے بڑھتے ہوئے کردار کا اعتراف قرار دیا جا رہا ہے۔
Aisam-ul-Haq Qureshi کو آئی ٹی ایف کے ایتھلیٹ کمیشن کا رکن مقرر کیا گیا ہے جبکہ Salim Saifullah Khan کو اے ٹی ایف کی فنانس، قانونی اور ترقیاتی کمیٹی میں شامل کیا گیا ہے۔
اسی طرح کرنل ضیاءالدین کو اے ٹی ایف جونیئر اور کوچز ڈیویلپمنٹ کمیٹی کا رکن بنایا گیا ہے جبکہ Sara Mansoor کو آئی ٹی ایف کوچز کمیشن میں شامل کیا گیا ہے۔
مزید برآں محمد علی مرتضیٰ آئی ٹی ایف جونیئر کمیٹی کا حصہ بن گئے ہیں جبکہ Rashid Malik کو اے ٹی ایف مارکیٹنگ اور اسپانسرشپ کمیٹی میں شامل کیا گیا ہے۔
اس کے علاوہ شہزاد اختر علوی کو ٹورنامنٹ آفیشی ایٹنگ کمیٹی اور خالد رحمانی کو اے ٹی ایف کی سینئر، وہیل چیئر اور بیچ ٹینس کمیٹی میں ذمہ داریاں سونپی گئی ہیں۔
اعصام الحق قریشی نے اس پیش رفت پر ردعمل دیتے ہوئے کہا کہ عالمی ٹینس اداروں کا پاکستانی عہدیداران پر اعتماد قابلِ فخر ہے اور عالمی کمیٹیوں میں شمولیت سے پاکستان کا تشخص مزید مضبوط ہوگا۔
About The Author
