واشنگٹن – امریکا نے خلیج میں بڑھتی ہوئی کشیدگی کے تناظر میں اعلان کیا ہے کہ وہ آبنائے ہُرمز سے گزرنے والے تجارتی جہازوں اور آئل ٹینکروں کو بحری تحفظ فراہم کرنے کے لیے تیار ہے۔ امریکی میڈیا کے مطابق یہ اقدام عالمی توانائی کی ترسیل کو محفوظ بنانے اور سمندری تجارت کو بحال رکھنے کے لیے کیا جا رہا ہے۔
امریکی ٹی وی چینل Fox News کے مطابق امریکی وزیرِ توانائی Chris Wright نے کہا ہے کہ Strait of Hormuz سے گزرنے والے جہازوں کی حفاظت کے لیے امریکی بحریہ تیار ہے اور مناسب حالات پیدا ہوتے ہی اس حوالے سے عملی اقدامات کیے جائیں گے۔
انہوں نے کہا کہ جیسے ہی حالات سازگار ہوں گے، امریکا آبنائے ہُرمز سے گزرنے والے تجارتی جہازوں اور تیل بردار ٹینکروں کو سکیورٹی فراہم کرے گا تاکہ عالمی منڈیوں تک توانائی کی ترسیل دوبارہ معمول پر آ سکے۔
امریکی حکام کے مطابق آبنائے ہُرمز عالمی توانائی کی سپلائی کے لیے انتہائی اہم سمندری راستہ ہے جہاں سے دنیا کی بڑی مقدار میں خام تیل اور گیس مختلف ممالک کو منتقل کی جاتی ہے۔ اس لیے اس آبی گزرگاہ میں کسی بھی قسم کی کشیدگی یا خطرے کے اثرات براہِ راست عالمی معیشت اور توانائی کی منڈیوں پر پڑ سکتے ہیں۔
ماہرین کے مطابق امریکا کی جانب سے تجارتی جہازوں کو بحری تحفظ فراہم کرنے کا اعلان اس بات کا اشارہ ہے کہ واشنگٹن خطے میں سمندری راستوں کو کھلا رکھنے اور عالمی توانائی کی فراہمی میں کسی ممکنہ تعطل کو روکنے کے لیے سرگرم کردار ادا کرنا چاہتا ہے۔
About The Author
