عالمی منڈی میں بدھ کو سونے کی قیمت میں کمی ریکارڈ کی گئی اور یہ تقریباً ایک ہفتے کی کم ترین سطح پر آگیا۔
عالمی میڈیا کے مطابق اسپاٹ گولڈ 0.1 فیصد کمی کے بعد 4,100.32 ڈالر فی اونس پر آ گیا، جبکہ امریکی گولڈ فیوچر اگست ڈیلیوری کے لیے 1.1 فیصد گر کر 4,112.50 ڈالر فی اونس پر پہنچ گیا۔ دیگر قیمتی دھاتوں میں چاندی، پلاٹینم اور پیلیڈیم کی قیمتوں میں بھی کمی ریکارڈ کی گئی۔
خیال رہے کہ امریکہ کی جانب سے ایران پر نئے فضائی حملوں، ایرانی تیل کی فروخت کا لائسنس منسوخ کرنے اور خام تیل کی قیمتوں میں اضافے کے باعث امریکی ڈالر مضبوط ہوا، جس سے سرمایہ کاروں میں یہ خدشہ بڑھ گیا کہ مہنگائی بلند رہنے کی صورت میں شرح سود مزید عرصے تک بلند رکھی جا سکتی ہے۔
دوسری جانب چین کے مرکزی بینک نے جون میں ڈھائی سال سے زائد عرصے کی سب سے بڑی ماہانہ مقدار میں سونے کے ذخائر میں اضافہ کیا۔ اسی دوران بیجنگ اور ہانگ کانگ نے سونے، بانڈز اور کرنسی کی تجارت کو فروغ دینے کے لیے متعدد اقدامات کا اعلان کیا، جن میں سونے کے لیے سینٹرل کلیئرنگ سسٹم کا آغاز اور ڈالر گولڈ فیوچر ٹریڈنگ کی بحالی شامل ہے۔
واضح رہے کہ مقامی مارکیٹ میں سونے کی قیمتوں کا تعین عالمی مارکیٹ کے زیراثر کیا جاتا ہے، عالمی مارکیٹ میں کمی کے بعد آج پاکستان میں بھی سونے کی قیمتوں میں کمی متوقع ہے۔
About The Author
