نیشنل کوآرڈینیشن اینڈ مینجمنٹ کونسل (این سی ایم سی) نے ملک میں پیٹرولیم مصنوعات کے وافر ذخائر کی موجودگی کی تصدیق کرتے ہوئے متعلقہ اداروں کو عوام تک ایندھن کی مسلسل اور بلا تعطل فراہمی یقینی بنانے کی ہدایت کی ہے۔
نیشنل کوارڈینیشن اینڈمینجمنٹ کونسل کے اجلاس میں پیٹرولیم مصنوعات کی دستیابی کاجائزہ لیا گیا۔ اوگرا نے قیمتوں میں اضافے کے پیش نظر ذخیرہ اندوزی کے خدشات کی نشاندہی کردی۔ این سی ایم سی کے مطابق فروخت میں غیرمعمولی اضافے سے سپلائی سے متعلق خدشات پیدا ہوئے۔
این سی ایم سی نے اوگرا کو ذخیرہ اندوزی کے خلاف موثر انفورسمنٹ یقینی بنانے کی ہدایت کردی، کونسل کی صوبائی حکومتوں کو ذخیرہ اندوزی روکنے، بلا تعطل فراہمی یقینی بنانے کی ہدایت کردی۔
اجلاس کو دوران بریفنگ بتایا گیا کہ طلب پوری کرنے کے لیے پیٹرولیم مصنوعات کا اسٹاک کافی ہے، ملک میں پیٹرولیم مصنوعات کے وافر ذخائرموجود ہیں۔
اجلاس میں وفاقی وزیرپیٹرولیم علی پرویزملک وممبران این سی ایم سی اجلاس میں شریک ہوئے، آئل کمپنیز ایڈوائزری کونسل، ممبر کسٹمز ایف بی آر، اوگرا اور متعلقہ اداروں نے شرکت کی۔
او سی اے سی کے نمائندوں کےسپلائی سے متعلق خدشات کا جائزہ لے کر ازالہ کر دیا گیا، این سی ایم سی کے مطابق جولائی کے پہلے 15 روز میں پیٹرولیم مصنوعات کی فروخت میں اضافہ ہوا، فروخت میں غیر معمولی اضافے سے سپلائی سے متعلق خدشات پیدا ہوئے۔
اوگرا نے قیمتوں میں اضافے کے پیشِ نظر ذخیرہ اندوزی کے خدشات کی نشاندہی کی، جس پر کونسل نے اوگرا کو ذخیرہ اندوزی کے خلاف موثر انفورسمنٹ یقینی بنانے کی ہدایت کردی، کونسل نے صوبائی حکومتوں کو بھی ذخیرہ اندوزی روکنے، بلا تعطل فراہمی یقینی بنانے کی ہدایت کی۔
About The Author
