عالمی منڈی میں سونے کی قیمتوں میں جمعرات کو مسلسل چوتھے روز اضافہ ریکارڈ کیا گیا، جبکہ اس کی قیمت 7 ہفتوں کی بلند ترین سطح پر پہنچ گئی۔
اسپاٹ گولڈ کی قیمت ایک فیصد اضافے کے ساتھ 4,285.84 ڈالر فی اونس تک پہنچ گئی، جو 18 جون کے بعد بلند ترین سطح ہے۔ امریکی گولڈ فیوچرز بھی 0.9 فیصد اضافے کے ساتھ 4,345.80 ڈالر فی اونس پر ٹریڈ کرتے رہے۔
دیگر قیمتی دھاتوں میں اسپاٹ چاندی 0.1 فیصد اضافے سے 62.16 ڈالر، پلاٹینم 1.7 فیصد بڑھ کر 1,764.10 ڈالر جبکہ پیلیڈیم 1.1 فیصد اضافے کے ساتھ 1,377.83 ڈالر فی اونس پر پہنچ گیا۔
تیل کی قیمتوں میں کمی، امریکی ڈالر کی کمزوری اور امریکی حکومتی بانڈز کی پیداوار میں کمی نے قیمتی دھات کو سہارا دیا، آئی جی مارکیٹس کے تجزیہ کار ٹونی سائکامور کے مطابق مشرق وسطیٰ میں سفارتی پیش رفت کی توقعات نے سرمایہ کاروں کے اعتماد کو تقویت دی ہے۔
رائٹرز کے مطابق ایران اور عمان کے درمیان زیر غور معاہدے کے تحت تہران کو آبنائے ہرمز کے ذریعے خلیج میں داخل ہونے والے جہازوں کی نگرانی کا اختیار دیا جا سکتا ہے۔
About The Author
