پاکستانی نوجوان ٹریول ویلاگر اور کوہ پیما اسماء مشتاق اسپانٹک چوٹی کی مہم کے دوران جاں بحق ہوگئیں۔اسماء مشتاق 7 فروری 1992 کو پیدا ہوئی تھیں۔ وہ مہم جوئی اور پہاڑوں سے خاص لگاؤ رکھتی تھیں۔ قدرتی مناظر سے ان کی محبت نے انہیں کوہ پیمائی کی طرف بھی راغب کیا۔ اسی وجہ سے انہیں کوہ پیمائی کی کمیونٹی میں بھی پہچانا جاتا تھا۔
اسماء مشتاق حال ہی میں اسپانٹک چوٹی سر کرنے والی مہم کا حصہ بنی تھیں۔ اسپانٹک قراقرم کے پہاڑی سلسلے میں واقع ہے۔ اس کی بلندی 7 ہزار 27 میٹر ہے۔ رپورٹس کے مطابق اسماء نے اپنے گائیڈ علی اکبر کے ہمراہ چوٹی کامیابی سے سر کی۔ چوٹی پر پہنچنے کے وقت ان کی طبیعت بہتر تھی۔
رپورٹس کے مطابق چوٹی سے واپسی کے دوران اسماء مشتاق کی طبیعت خراب ہوگئی۔ انہیں مبینہ طور پر ہائی آلٹی ٹیوڈ سکنس کا سامنا کرنا پڑا۔ گائیڈ علی اکبر نے انہیں ابتدائی طبی امداد بھی فراہم کی۔ تاہم اسماء مشتاق جانبر نہ ہوسکیں۔ ان کی میت واپس لانے کے لیے انتظامات کیے جا رہے ہیں۔ اس سلسلے میں قراقرم کالنگ ٹریکس متعلقہ حکام سے رابطے میں ہے۔
About The Author
