نائب وزیراعظم اور وزیر خارجہ اسحاق ڈار کا ترکیہ کے وزیر خارجہ حاقان فیدان سے ٹیلیفونک رابطہ ہوا۔ دونوں رہنماؤں نے دوطرفہ تعلقات پر تبادلہ خیال کیا۔ علاقائی صورتحال بھی گفتگو کا اہم موضوع رہی۔ فریقین نے باہمی دلچسپی کے دیگر امور پر بھی بات چیت کی۔
اسحاق ڈار اور حاقان فیدان نے ریجنل فور کے آئندہ وزرائے خارجہ اجلاس پر بھی تبادلہ خیال کیا۔ دونوں وزرائے خارجہ نے آئندہ کثیرالجہتی اجلاسوں سے متعلق امور پر بھی گفتگو کی۔ انہوں نے باہمی روابط کو مزید آگے بڑھانے کے امکانات کا جائزہ لیا۔
ترجمان دفتر خارجہ کے مطابق دونوں رہنماؤں نے قریبی رابطہ برقرار رکھنے پر اتفاق کیا۔ اسحاق ڈار اور حاقان فیدان نے باہمی دلچسپی کے معاملات پر مشاورت جاری رکھنے پر بھی اتفاق کیا۔
About The Author
